今年世界盃只有線直播，冇免費波睇，反而令朋友們都約出來聚腳，平日不愛睇波的朋友都湊熱鬧，一齊睇世界盃。睇波期間，朋友K覺得西班牙的費托幾靚仔，問：「佢好唔好波？」朋友M回答：「佢世界盃都未入過波！」其實分析員亦一樣，報告寫得天花龍鳳，還得要看目標價能否到價，否則，分析員華麗的文筆，就如C朗出道初期愛賣弄腳法，入唔到波等如白做！
瑞銀分析員梁裕昌（SpencerLeung）一次過將達芺妮（210）、百麗國際（1880）、李寧（2331）、特步國際（1368）、安踏體育（2020）幾隻內需消費股的評級調低（見表）。
特步防守力較弱
報告指出Nike計劃在內地推出平價運動鞋，預期對所有本地體育用品股都會有不同程度的影響，長遠而言，相信只有有錢宣傳的公司能生存，由於特步今年廣告預算僅5億元人民幣，低於李寧、安踏及Nike達10億元人民幣預算，影響其捍衞市場的防守力。報告又指出，達芙妮則受累勞工短缺及分店擴張放緩，而百麗股價再升空間有限。
扭波再多，還得看入球。根據升級《報告王》，梁過去3個多月調整股票評級共11次，短線（2天）錄得9勝1負1和的佳績，平均短線回報為3.08%，現於短線排名榜中排第6，屬上游分析員。即使是20天的中線表現，亦有6勝3負，平均中線回報為1.21%，表現相當穩陣。
前鋒最緊要睇入球量，分析員就看目標價有沒有到過價。過去3個月，該分析員分別於2月底及4月中建議「買入」安踏及達芺妮，皆於6月下旬到價，近期狀態不俗。
高明
想知更多有關大行報告的資料，請即上《港股王》：http://stock.nextmedia.com
No comments:
Post a Comment