屌那星!Master Joe條女又飛釘喇!

校園驗毒

公開信擲入政府總部
百人抗議校園驗毒

有中學生問我, 究竟支唔支持驗毒?

我: 你講你定我呀?

中學生: 有分別咩?

我: 有, 你要睇老師面色, 我唔洗? 我可以反對反對再反對, 之後侮辱個老師,再反對, 你唔得.

中學生: 平時啲老師講民主, 又話獨立思考, 原來係假架?

我: 你當真, 就真係冇獨立思考! 你睇立法會, 咁大個功能組別, 寫住教育, 就知佢地係迷信特權既人啦!

中學生: 咩立法會? 我唔明喎?

我: 唔明係一件好事, 有啲嘢, 你唔好知咁多, 知得太多, 會有人唔開心!

中學生: 咁校園驗毒單嘢我點? 聽日要上台講!

我: 你中七?

中學生: 係呀! 有乜關係呀?

我: 對唔住, 我收番一開始嘅嘢! 反正都最後一年, 仲要係最後一次有中七, 有今生冇來世, 梗係玩大佢啦!

中學生: 咁即係可以反對?

我: 支持都可以玩大佢! 一於劈頭就話, 我訓身支持校園強制驗毒...

中學生: 咁我會喺學校被人歧, 以為我係想討好老師嘅人渣

我(當佢冇到): ....具體上就好似美國check 身份證咁推行, 美國差佬係有權周街周人, 但如果周到係良民, 個差佬要停職查辦, 香港校園驗毒, 都可以咁做, 等老師會細心選真係有犯事的學生, 唔會傷害到冇犯事果大部份, 如果check錯, 咁都唔洗炒, 不過要調去做圖書館管理員, 或者自願離職....

中學生: 老師上堂咁hea, 實唔制wor

我: 冇話要佢制, 想睇下佢點反應之ma~

待續...

第四代人與黃毓民老闆

林忌寫左篇非常感性的文章, 講第四代人點睇香港社會, 其中一句唔係好認同, copy and paste左落黎:

這班行將就木快入棺材的老野，不但唔肯退下來，更要永久地把我們年輕一代視為比佢地更弱智的扯線木偶，不放權，不放手，不退後，看看全世界其他地方，三十幾歲人已經成為任何行業的中堅；在香港？沒有四十歲大家都仲當你係「o靚仔」！

點解下下都一定要跟上一代的玩法, 唔通新一代唔識創造一個新環境? 所謂第一代香港人, 一黎到香港就好好境?完全唔洗捱?

再講, 跟上一代條formula就一定掂? 要佢地退下俾個位你上至掂? 如果資本家黃毓民老闆「退下來」, 交棒俾個後生仔, 教佢行番佢以前顛狗日報、Cyber日報條舊路, 學佢一樣咁做生意, 我包佢蝕到仆街, 之後東山再起都仲係蝕到仆街仲要爭人周身債. 退退退, 退條死路俾你行渣!

上一代既, 唔係老馮啱, 佢地退左落黎, 後生仔取而代之, 跟住佢地, 想唔仆街都幾難.

何必下下要跟人地, 走回頭路呢?

Therefore I classify this entry as face doughnut.

[危險] 請勿進入以下連結!!!

http://tinyurl.com/yam6vvf

千祈唔好!!!

南華食左乜春藥?

先有爆場, 又有球員去英超, 就算只係做勢, 今年乜彩都俾佢攞哂啦!

[商界] 黃毓民老闆談創業

本港著名資本家黃毓民老闆大談創業心得

黃毓民老闆話做人最緊要開心, 所以就算佢之前做咁多次生意都屢戰屢敗, 今日搞新生意都仲開開心心, 可見佢真係一個樂觀的資本家.

不過去到最尾話咩達爾文主義就開始亂黎, 佢明明唔適合從商, 多次失敗, 但就批評個制度唔岩, 情況就好似一個足球員屎波就賴規矩唔就佢.

最尾一分鐘,佢又猛話個世界唔係咁,的確, 個世界唔係黃毓民老闆咁諗, 如果唔係,今日當炒既科網股, 一定係cyber日報, 而唔係騰訊.

Therefore I classify this entry as Grape Doughnut.

火燒平治!

逾百萬元平治房車銅鑼灣自焚

凌晨 1時 55分許，銅鑼灣邊寧頓街近怡和街，一輛逾百萬元名貴平治房車，疑因機件故障車頭突然冒煙，煙霧更湧入車廂，年約25歲男司機，當時座在車上等候友人，見狀立刻開門落車，消防員到場打開頭冚，迅速將火勢救熄，惟房車機件已經受損。