都係睇番台灣動新聞

最近迷上左睇蘋果的動新聞, 因為動畫好好睇, 特別係台灣出事前, 台灣的片簡直好似睇戲咁, 以前我唔會睇台灣蘋果, 但家下日日追!

香港既不嬲都弱, 到喉唔到肺, 有啲其實係可以原諒, 因為台灣新聞本身都刺激啲, 香港比較太平, 冇乜特別唔出奇, 但係如果係本身選材, 寫新聞劇本都有較弱, 咁就真係不可饒恕.

今日一睇, 連揀邊個新聞做動畫, 香港果邊都似乎力有不棣.

• 教師狎玩13歲援交女童
• 網絡性愛　少女被拍裸照逼做愛
• 投資被騙500萬婦圖跳橋
• 港產音樂神童紀錄片奪金馬獎
• 尼龍繩纏電梯頂　震急降
• 宰牲節殺牛　回教徒被帶走
• 火爆阿伯木�大戰水喉通
• 工展會4000隻溏心鮑免費試食
• 慈善家捐出廠廈任塗鴉
• 舊灣仔飲茶食鴉片？
• 長期住灣仔最易肺衰竭
• 泛民新構想　先否決　後公投

以上係11月29日的播片清單, 我揀左「火爆阿伯木�大戰水喉通」,因為一睇就知兩雄相遇, 必有死傷, 肯定好睇, 點不知, 睇完得果幾個shot, 反而另一條平平無奇的「投資被騙500萬婦圖跳橋」, 就做左啲唔使動畫都知既低B動畫.

用動畫做新聞, 唔係想報埋鏡頭映唔到既嘢咩? 咁一定係揀啲刺激啲既新聞做架啦, 點會揀啲行行企企食飯幾味既新聞做片架? 花咁多成本畫動畫, 竟然只係見到個師奶畀錢、傾偈, 不如唔好做?

都係睇台灣算數!