天真的公關災難

生果李怡說, 阿嬌的公關設計精心, 加上不為「移花接木」事件道歉, 是她訪問贏不到掌聲的原因.

我看得再簡單一點, 阿嬌公關失敗, 源自她的採訪選址, 千挑萬選, 竟然選在她老闆的家, 才是最大敗筆.

問心, 阿嬌之所以犯眾憎, 其實大部份的不滿是針對她的公司英皇. 前事不計, 光是「移花接木」一事, 已激嬲左好多人.

阿嬌要番兜,最好令佢同英皇一干人等, 包括楊生及經理人, 行得有咁遠得咁遠.

偏偏復出第一炮就匿0係自己老闆屋企受訪, 又要癡番埋一齊, 既然咁中意癡癡癡, 不如0係楊生張床受訪Ar 笨!

後記:

讀書時中意唱K, 當時覺得英皇的宣傳好掂, 捧邊個紅邊個. 不過到今日, 英皇都仲係今緊老本, 都係二千年初捧紅的幾個, 印象係自從internet 成為大家生活一部份後, 英皇再冇出過紅星.

無可否認, 英皇內的marketing處理舊媒體很有一手, 透過密集式的單向宣傳, 令人把他們的星仔的歌打入腦(當時我都是一份子), 但今日新媒體世界, 再用單向傳播方式, 人地會覺得你冇"吉士".

阿嬌兩次公關, 都用舊媒體式的單向宣傳, 結果不得人心, 證明舊媒體傳播方式, 已經行唔通.