張宇人：或建議低於 20元

Kreme一直反對最低工資, 因為會令低學歷青年, 婦女, 同新移民難以入職

事實證明, 就算係自稱爭取最低工資既工會, 旗下按摩院都冇俾最低工資(雖然後來話有俾, 但工人月薪只得千多元, 大幅削減工時乎?)

不過, 後來該按摩院有中年新移民婦人笑芳成功轉型, 月入二萬元

但呢個故事令Kreme明白, 不設最低工資, 弱勢工人仲有一條階梯向上爬, 最低工資只會堵截工人後路. 迫使佢哋依賴福利過活. 此乃後話, 今日唔講.

今日想講既係, 一啲明知最低工資會令弱勢工人陷入深淵既政黨, 為咗得到短暫快感, 或者怕被人鬧, 無視對工人既後果, 轉軚支持

不論20蚊, 24蚊, 定係33蚊, 最低工資對想換取一絲希望既工人黎講, 都係一度高不可攀既城牆

城樓上的工會城主不斷將城牆疊高, 弱勢工人淪為城外的孤兒

哪怕只有一個, Kreme 都嫌多

明知有咁嚴重既害處, 仲轉頭支持, 係假

然後再自演一幕20蚊不代表黨, 24蚊好過20蚊,

言則, 即係默認最低工資越高越好, 當初所謂對工人影響, 一併拋諸腦後, 總之面子緊要, 趕緊割席, 係一假再假

但係, 副主席不代表黨, 有人信咩?

陳志雲話: 真的假不了.

自由黨上演的一幕卻是"假的假不了".

一個無無聊聊的麥當奴coupon feed, 都有位抽張宇人水, 證明呢個黨已經幾不得人心,

Krispycrap