偶遇教授W

早幾日, 喺某幾個巧合及誤會之下, 遇到教授W

教授W係個好道行既學者(原先想話佢好高輩份, 但咁形容不俱世俗既教授W, 似乎侮辱左佢), 熟讀經濟, 係研究扭曲誘因distorted incentive既專家(真係好勁!)

一路大家有講有笑, 同伴M問, 教授點睇政府既大學畢業生4000蚊實習, 我終於忍唔住口, 同教授打左兩板波

教授W: 宜家最緊要保就業, 我相信個計劃都會有用.

我: 政府幫人, 不嬲都係幫弱勢社群, 大學生都救?會唔會過多?咁唔通中學小學又要救?

教授W: 大學生idle 既成本比中小學大,俾佢地就業對社會整體有好處.

我: 但係大學生逆市搵工都易過其他人好多, 仲要救?

教授W的同事也加入戰團...

同事: 就算政府唔推出, 都無可避免會有大學生搵左中學生既工架.

我: 咁都唔應該人為扭曲個市場架

教授W: 非常時期, 非常手段ma.

之後就講左第二個話題

Kreme到今日都仲有少少沾沾自喜, 感覺就好似個打乒乓波既小朋友喺孔令輝身上攞左一分咁, 返到屋企梗係忍唔住同屋企人分享下啦!

不過, 嗰日我冇follow up到, 其實我仲可以話...

非常時期, 都唔可以亂黎

如果有人話殺個人拎去祭海神, 海嘯就會完結, 個人仲話係非常時期, 非常手段, 唔通我地就真係可以亂黎?

不過, 我當然冇咁講啦, 我份人咁厚道!

不過(好多不過), 好多freemarketeer例如Friedman, Hayek, 重視社會有安全網, 但係肯定唔會認為安全網要變安全套, 將成個社會包到陷,

倒番轉講, 一個普通學生入大學都係為左易啲搵工, 政府無啦啦有份工塞過嚟梗係開心, 但另一方面又當你係弱勢社群咁救, 就好似坐地鐵, 你會讓位俾個阿婆, 因為佢有需要, 但你唔會讓俾一個後生仔, 讓俾佢, 即係話, 佪位後生仔能力較弱, 個後生仔諗深啲一定唔好受

教授W教過咁多學生成材, 唔知有冇學生同佢咁反應過呢?