RIP教主

小炒王開筆

我0係爽報有個欄,欄名叫小炒王,由唔同作者輪流寫,而我篇文就會0係禮拜四出街

另外, 爽報廣東話字碼有少少唔同, 所以有時可能會出現怪碼,而我又睇漏眼冇改到,希望大家見到留個言提下我去改

呢個係我蘋果報告王以外第二個欄,希望大家係咁椅支持下啦~

【小炒王】振英當選概念股

股份：恒隆地產（101）
評級：中性
目標價：38.1蚊

毛主席講過：世上沒有無緣無故的愛，亦沒有無緣無故的恨。

特首選舉跑馬仔，大熱自毀長城，黑馬梁振英好似有番啲機，一旦當選可能對香港資產市場構成重大影響，要買入嘅股票，就係恒隆地產（101）。

恒隆主席陳啟宗早排公開向梁振英「示愛」，生意人唔會無啦啦做蝕本生意，一定係振英當選對佢有利。呢層唔需要係官商勾結，只要振英揸正嚟做，已經幫到佢好大忙。

梁振英被公認為八萬五始作佣者，近年樓市係咁升佢都一直有話政府要出手，佢當選之後，重推八萬五預期升溫，推就樓市即冧，唔推就陰霾籠罩樓市。

咁啱恒隆向來作風保守，主席亦都講過等淡啲先買地，梁振英當選的話，可以做冧樓市，等恒隆有機會低位買地，谷大資產淨值，到市旺番先賣樓，為股價帶來增長動力，兩者可望一拍即合。

不過，預期振英當選可能會出現較長嘅樓市冰河時期，家下未係入市時候，要等谷底後股價先有望重上海嘯後高位。

高明

【小炒王】盡沽恆生 目標價53.70蚊

股份：恆生銀行（011）

評級：沽售

目標價：53.70蚊

歐債危機主導大市，高明認為，債務問題只會惡化而唔會轉好，因為各國出發點錯左，以為借多D錢俾希臘等國，就等於「救」，其實咁叫「縱」，因為債仔本性係賴皮，以債抵息等於以債還債。金融危機當前，銀行股自然冇得幸免，今日勸沽銀行股就係失守紅底股既恆生銀行（011）。

大家可能覺得，恆生一路都好穩定，歐債應該影響唔到佢，但宜家木台面上法國銀行手查好多希臘國債，木台底係點未知，一旦歐債危機爆破，再出現雷曼式倒閉並唔出奇，連鎖反應，本地銀行一樣捱沽。

07年恒生最高炒到170蚊，但海嘯後銀行股即死， 09年最低見67蚊，足足冇6成。

睇番海嘯後，恆生最高位係134.4蚊，至噚日收市報95.4蚊，只係跌3成，仲有一半未跌！高明相信，上次海嘯危機問題根本未解決，今次爆煲只會更嚴重，但高明保守估今次跌幅同上次一樣。高明宣判：沽恆生，目標價睇53.70蚊！

高明

【小炒王】小農暴發概念股

高明今日首次0係小炒王掛牌開筆，先恭喜爽報創報！

至於今日帶俾大家既，就係上市後hit過一陣，宜家又冇乜人提既Prada（1913）。

匯豐調查發現，中國富戶平均36歲就發達，係亞太區之中最年青，64%會來香港炒樓炒股。可惜來自大陸，始終會擔心畀人覺得佢地係一般自由行，發財之後惟有努力改善形象，而中國人素來信奉「人靠衣裝」，無理由買國貨，一定係買外國名牌。

高盛亦都話Prada亞太區上半年增長41.1%，比歐美更勁，維持買入，目標價升到58.9蚊。證明Prada已經係唔少中國富戶既恩物。

三十幾歲既富戶最大特點，就係佢地仲係好有魅力。女富戶會買多幾個手袋裝身；男富戶仲不得了，除自用，仲會送禮。財富傳統上有80/20之說，即係20%人掌握社會80%財富，高明可以肯定，大陸兩成有錢既男人，可以pick up八成靚女，男富戶會用Prada獎勵一D願意接近佢地既女士。上述原因令Prada順理成章成為「小農暴發概念股」，當大陸暴發戶瘋狂掃袋時，香港同胞就要把握機會。高明宣判：買！

高明

廢青天敵：外母（只限男性）

copied from hkgolden


說話係難入耳...不過係事實 :
1. (租人樓不論乜樓) 女朋友帶你返屋企食飯....伯母問你住邊....
我租人樓 ka ...響深水埗呀...不過D租都好貴下業主又想加租….冇辦法la想同佢過2人世界….大家辛苦D
此時…伯母會話我有D唔舒服要入房先….你自便la...你就同女朋友大家眼望望…最終不歡而散 ....

2. (公屋 租) 女朋友帶你返屋企食飯....伯母問你住邊....
我住公屋 ka...天水圍....天耀村呀...不過就租…早年走寶冇買到….好後悔..
呢成餐飯..你會有飯食..可能又有肉食下….不過成餐飯伯母唔會再有野問你....話之你乜大學畢業
食完飯...伯母會大聲叫....女 送客....

3. (公屋 買) 女朋友帶你返屋企食飯....伯母問你住邊....
我住公屋 ka...天水圍....天耀村呀...不過就買…早年老豆老母買落….都叫自己物業…算係咁la
呢餐飯…你會好開心…你會有飯食之餘又有雞胸食….伯母又會好欣賞你父母當年既決定…而且話題非常之廣…有講有笑…因為有樓…而且樓價升…話之你乜Seven大學畢業 食完飯...伯母仲會問你食唔食生果…走時仲會點點頭..

4. (居屋 買) 女朋友帶你返屋企食飯....伯母問你住邊..
我住居屋 ka.....600呎到la... 早年老豆老母買落…叫自己物業lor...算係咁la...
好過住公屋...好過租人樓…..遲D一定會換私樓...
外母會話你有志氣又叻仔..因為你已有物業..唔係9 up 能換到私樓既機會係有….
呢餐飯…你會好開心…你會有飯食之餘又有魚食….大家會有講有笑....走時外母會問你點解坐多陣…

5. (私樓 老豆老母買落)
女朋友帶你返屋企食飯....伯母問你住邊....
我住私樓 Ka….雖然響將軍澳....早年老豆老母買落….不過已經供完係自己物業 ...
成餐飯....會好開心....好温韾....你會好似多左個老母咁...伯母又會好欣賞你父母當年買樓既決定…呢餐飯…有飯食之餘又有雞脾食….而且講句野都可以大聲D而且笑容由心里笑出..因為個女可以搵到個有樓…...話之你有乜學位有乜沙紙....話之你老豆老母買落定自己買.....樓契 最緊要....走時外母會問你點解坐多陣…同女入房玩下電腦...

6. (私樓 自己買)
女朋友帶你返屋企食飯....伯母問你住邊....
我住私樓 Ka…..雖然響將軍澳....幾年前樓價低果時自己買落….雖然要供..不過供完之後係自己物業 ...
成餐飯....你會好開心....好温韾....你會好似多左個老母咁...伯母又會好欣賞你幾年前樓買樓既決定…
呢餐飯…有飯食之餘又有雞脾食….外母笑容由心里笑出..因為個女可以搵到個有樓之剩又搵到個叻仔….話之你有乜學位有乜沙紙....有樓最緊要....走時外母會問你點解坐多陣…同女入房玩下電腦...

最憎廢青

睇完尹思哲個blog comment有以下感想:(歡迎廢青自行對號入坐)

最憎廢青

一堆連家用都唔俾要父母擔心佢日後生活既廢青, 學人講改造社會?
食屎啦!

「年薪百萬」的這幾位人兄，究竟有什麼值得我們欣賞學習的地方？

人地唔使攤大手板問屋企, 唔使父母擔驚受怕個心愛既仔仔囡囡第日要乞食, 廢青學到變廢雀爺都未學得識呀!

廢青衰乜?衰不孝呀!

只有豐衣足食既幸福中產小朋友先有資格做廢青, 窮家子弟一畢業就要諗搵食

或者係呢幾個「年薪百萬」要羨慕不勞而獲既廢青

黎智英評後生仔

屌得好!最憎廢青!

美麗華報團包保唔成團

美麗華報團, 包保唔成團, 令你白請假一場
想空歡喜一場, 請即報名參加美麗華旅行團