環保觸覺經常不厭其煩的指責香港人用多咗條毛好唔環保, 呻咗兩行鼻涕又唔環保, 專向最雞毛蒜皮既小事著手, 然後就話要收錢, 結果就係將件事越搞越唔環保.
好似膠袋稅, 事前話抽左膠袋稅就掂, 但事實係抽稅後塑膠使用量反而上升5%, 用多咗膠, 更加唔環保.
破壞地球既環保觸覺成員, 又會唔會為咗保護環境, 食咗多出黎既膠呢?
當然唔會! 佢地淨係識得排放二氧化碳, 加劇全球暖化問題.
環保觸覺最唔環保既地方就係, 佢地次次都要開記者招侍會黎宣布佢地既絕世好橋. 點解一定要開記招? 點解唔識用Teleconference, 寫blog或者email ?
記招場地要冷氣、燈光, 浪費幾多電, 幾唔環保呀!
記者、攝製隊山長水遠坐車去記招, 消耗幾多油同電, 幾唔環保呀!
第日報紙報導你單"環保新聞", 用幾多紙呀, 幾唔環保呀!
粗略估計, 連免費報, 香港每日報紙印三百多萬份. 環保觸覺佔據報章的的一角, 會浪費熱帶雨林4.57棵大樹, 環保觸覺令全球暖化問題惡化。
環保觸覺專門破壞環境, 係氣候暖化既元兇, 唔知綠色和平幾時通緝"香港拉登"譚凱邦呢?
developing...
