口爆港女 (上)

警告: 閱讀本文時,切勿有港女陪伴左右, 敬請執生

最近, Krispycrap收到好多讀者投訴, 話港女疫情失控, 口啼症問題嚴重, 港女一個電話打黎就依依哦哦, 唔識點拆, 特別係港女最中意趁港男剛剛入夢先黎挑機, 你知啦, 男人要訓覺, 有時女人挑手豆都有少少唔想回應, 之但係, 打電話黎挑機, 係一定要回應, 兼且要答得到, 否則, 殆已！

讀者Wealth (個名?咁岩啫!咁啱啫!)email黎, 唔知係咪俾港女口爆(用口爆粗鬧咁解)得多,竟然遷怒於我...

「你條死仆街, 一開始屌黎三萬就大大聲, 之後就閃左人, 唔講仲以為黎三萬俾左甜頭你, 整到你支筆都縮鳩埋...(下刪6769字)」

得得得, 港男內心既憤怒, Krispycrap已經感受到, 並且同你地一樣, 都好想口爆呢班阿支阿佐既港女.

案例一: 奪命追魂call

(W先生)

港女:WW呀, 你頭先去左邊呀?

W(剛剛訓醒):冇, 同班fan去左唱K, 返到黎攰攰地, 咪坐左喺張梳化度

港女: 頭先唱K, 係咪得阿A, B同C(三條麻甩佬)

W:唔係呀, 阿B帶左幾個fd...(黎字未出口)

港女: 咩fd 呀, 係咪女仔黎?

W: 係..

港女:哦, 你出去媾女唔理我

W: 唔係...

港女: fd fd fd,慌唔係身有屎咩, 如果冇野就唔會講fd就講女仔啦, 你好呀, 自己出去識女仔, 丟低我一個喺屋企

W:...

(以上純屬真人真事, 如有雷同, 你條女一定都好港. 敬請爸打執生。)

至於W下場如何, 以及應如何拆解, 下回再續.