[回帶] 天文台話2020年香港無冬天

話說, 兩年前一個叫林超英既人, 佢話...

天文台以最壞情況推算
2020年香港無冬天

【本報訊】天氣忽冷忽熱令人無所適從，天文台台長林超英昨發出警告指，香港最快在 12年後，即 2020年就會沒有冬季，氣候暖化的威脅已逼在眉睫，不再是下一代的事。「長夏無冬」的日子來臨前，可能會先出現 10年的「極端天氣」，雨量會反常地忽多忽少。至於拉尼娜現象在 08年會繼續出現，預計今年會有 6至 8個熱帶氣旋。記者：雷子樂
林超英昨介紹氣候變化最新推算結果時表示，加入城市發展程度的考慮因素，以及按溫室氣體高排放量作推算，最快在 2020至 2029年，香港就有機會出現全年沒一天最低氣溫低於攝氏 12度，即寒冷天氣不再出現。到了那時候，全年熱夜（最低氣溫 28度或以上）數目會由 1980年至 99年的平均 15晚，增加至 54晚。每年酷熱天數（日最高氣溫 33度或以上）會由上世紀末的 7日增至 19日。

總之根據佢講法, 係香港越來越熱, 十二月都可以著比堅尼出街!

不過, 呢幾日...

2010年2月19日 香港天氣

平均溫度只得8-9度。

當然, 呢班假環保可以有好多解釋, Kreme嘗試代入佢地世界...

一般無恥mode: 都話左係2020年先冇冬天, 呢個推測下, 2008-2019期間夏天落雪都得, 一到2020, 香港就好似啪咗制立即變涷, 得咗.

最無恥mode: 就係因為人類每日呼出太多二氧化碳, 令到氣候唔正常, 一年凍一年熱, 所以我地已經唔再講全球暖化, 而係氣候變化, 總之氣候有任何轉變, 就係我岩, 你錯, 唔該你快手捐錢救地球。

面對呢種民建聯式既答案, 我地只可以走入佢哋既世界, 睇下佢地既主腦講過啲乜

Professor Phil Jones:There has been no global warming since 1995

"Professor Jones has been in the spotlight since he stepped down as director of the University of East Anglia’s Climatic Research Unit after the leaking of emails that sceptics claim show scientists were manipulating data."

咁當然, 講到最尾, 佢地可以乜都唔認, 當冇發生過, 繼續自說自話, 傳媒會繼續抄佢地既公關稿。

但咁做, 又同民建聯有乜分別呢?

超英超英, 聽咗咁耐已經覺得唔對路, 今日查明真相, 先知超英同愛國愛黨既民建聯係同路人！

See also:

ANOTHER climate change blunder: First it's melting glaciers, now natural disaster claim is debunked

哥本哈根 之 成功爭取慳電膽券

趁住哥本哈根會議咁開心, 等Kreme同大家回下帶, 話俾大家知, 邊個引入慳電膽券la~

公民黨發佈「綠色新經濟」行動綱領 籲政府加強力度 推綠色新政成經濟火車頭 - 19 Mar 2009

經過一百天的調研、政策圓桌會和與各界的廣泛交流，公民黨今天(19日)正式發表「綠色新經濟」行動綱領，按照五項政策範疇，詳列了十三項政策目標和二十五項政策行動建議。行動綱領中指出，在目前金融危機下，政府應該善用358億元投資創造八萬七千個新職位，不但刺激經濟復甦，更可以大幅改善本港市民的生活環境，和應對全球氣候變化的挑戰
... ...

新聞稿
19/3/2009
公民黨發佈「綠色新經濟」行動綱領籲政府加強力度 推綠色新政成經濟火車頭

經過一百天的調研、政策圓桌會和與各界的廣泛交流，公民黨今天(19日)正式發表「綠色新經濟」行動綱領，按照五項政策範疇，詳列了十三項政策目標和二十五項政策行動建議。行動綱領中指出，在目前金融危機下，政府應該善用358億元投資創造八萬七千個新職位，不但刺激經濟復甦，更可以大幅改善本港市民的生活環境，和應對全球氣候變化的挑戰。

公民黨副主席和「綠色新經濟」專責組召集人黎廣德表示，根據意見調查，八成香港市民認同綠色經濟作為香港新發展方向，並有過半數人認為政府對推動綠色新經濟的力度不足。雖然財政司司長在今年預算案內接受了公民黨的建議，把綠色經濟列為發展方向，但政府的取態過份保守，目前的政策力度不足以使綠色經濟變成火車頭，只會白白喪失大好時機。公民黨的行動綱領分為五大範疇，包括健康能源、綠色建築、可持續運輸、循環經濟和資源生產力。

若果政府落實建議的二十五項政策行動，在三年內可以減少一半路邊的廢氣，兩成市民可以放心使用公共單車或步行上班，全港市民節省超過三十億元電費；在十至十二年內，市區溫度可以因為大量節能綠化而降低，垃圾堆填區毋須擴建，市民可以在維港和所有海灘暢泳，新界區的發展因為副都市中心而起飛，非法堆填區和臨時貨櫃場更將會成為歷史。

在今年內，公民黨建議派發每戶二千元的「綠色經濟券」，資助市民安裝可再生能源或節能裝置，並向每位成年市民派發二百元的「慳電膽換領券」。公民黨除了將報告送交政府外，亦會在立法會提出有關動議，並會聯同商界、專業界和地區人士，進一步推動落實綠色新經濟的建議。「綠色新經濟」行動綱領全文可在公民黨網站下載。http://green.civicparty.hk/下載附件 (PDF,
219KB)
http://www.google.com.hk/search?hl=zh-TW&rlz=1T4GGLL_zh-TWHK347HK347&q=%E6%85%B3%E9%9B%BB%E8%86%BD%E6%8F%9B%E9%A0%98%E5%88%B8+site%3Ahttp%3A%2F%2Fwww.civicparty.hk&btnG=%E6%90%9C%E5%B0%8B&meta=&aq=f&oq=

[轉貼] 如何靠「碳排放」掠水 孫柏文

相信大家都知，丹麥哥本哈根正召開一個講溫室效應氣體嘅會議。特區各大傳媒機構都鋪天蓋地報道。你可能同好多人一樣，一見「碳排放」呢幾隻字，同自己講話「又係啲環保嘢」，已經唔睇有關新聞。呢個孫柏文唔怪你，因為「環保」呢個品牌喺香港俾人已先騎劫、後搞臭咗。
點都好，究竟哥本哈根想搞乜？佢哋想將會引致溫室效應嘅氣體特別係二氧化碳，排放控制，由依家無限量，變成有限。
咁同本欄講財經、經濟學有何關係？其實當排放有限，即將排放量變成有限量資源，經濟學就係研究有限量資源分配嘅方法。
例如香港，土地係有限資源，究竟邊個可使用某塊地，以前就以拍賣形式賣俾私人發展商，起完樓再以價高者得方法賣，決定分配方法。以呢個方法分配最好嘅地方，係每塊地嘅使用者，係出最高價，亦即最想用嘅人，可確保塊地用得有效益、唔會嘥。
理論上，「碳排放」權利亦一樣，就會令每單位人類排放嘅二氧化碳得到最大效益，唔會嘥。如要落實，政府可以每年進行拍賣，將碳排放權利賣出。
大家可能會問：「咁嗰啲排碳量嘅行業，如發電、做運輸等，咪一定唔制？要問政府買，成本升咁多！」係，所以環保組織就開始諗方法，去收買商家。
環保人士度條絕橋成功收買現有商家。方法係倘若你已經常排放某個量嘅二氧化碳，就會收到同等配額，理論上你諗到方法減排，可將用唔晒嘅配額賣出。最極端係將業務執埋，淨係賣配額都賺到笑。
相信年輕讀者，冇太大感覺，不過，我建議你同年長嘅人傾吓。因以前美國入口成衣係用以上方法控制，香港係有一班人因一早做開成衣生意，有大批配額，好多執咗自己間廠，淨賣配額都發過豬頭。輸家就係之後開業嘅新競爭者。
冇錯，環保人士收買現有商家嘅方法，就係犧牲未入行嘅人。呢條橋其實係工會發明，因收買現有工人最易就係剝奪未入行工人嘅飯碗，最低工資係典範，將冇經驗未入行人士，通通以價格攔住一樣。
宋鴻兵《貨幣戰爭》一書曾話，如有碳排放配額制，美國為首嘅發達國家，就可用配額玩死中國。因佢哋就係排開有配額，我哋問佢哋買。所以每個中國人，都反對洋人依家擺喺談判桌上嘅方案。特區有民主派議員唔知係唔識定係甚麼，盲目地被外國環保組織牽住走。最後想問大家，以上減排放方法係咪好煩？其實要有碳排放，先要燒燃料。要減排，喺燃料抽稅就得，不過，如綠色和平人士爬牆、拉橫額做show嘅老經驗環保組織，是否知道會冇政客支持。有民主派議員都喺去年要政府減汽油稅啦！「環保」？「減碳排」？知道背後真相先，唔好反射式支持啦！
作者為前石油業證券分析員，視股市為終身學習場所，不斷交學費。

大明燈- 孫柏文

最憎假環保

朋友K有日好勞氣, 我問佢乜事, 原來又係錢銀問題

K: 講起就扯火啦, 我張XSBC信用卡, 唔知幾多個月前碌過一次三百幾蚊, 貪有優惠, 之後都差唔多唔記得有用過, 幾個月後, 銀行電話打黎話, 你爭我六百幾蚊, X.

Kreme: 佢冇寄statement畀你咩?

K: 冇呀, 個銀行佬仲夠膽死話為左環保唔寄, 環保真係個偉大藉口, 既可以慳成本, 又可以則則博博你過期罰你息, 明明通知客幾時夠期交錢係銀行責任, 點知為左所謂環保, 竟然可以卸責, 順手挖多筆!

Kreme: 環保ma, 遲D會同你講, 閣下既賬單已被環保, 請立即繳交環保利息, 逾期繳交, 將再額外收取環保費用...